بيصيعوا على الدكتور

كان فاضل كام يوم على امتحانات الميد ترم فاربع طلبه فى الكليه
اتفقوا انهم يروحوا كام يوم فى اى مكان علشان يستمتعوا شويه وبالمره يذاكروا
ايموشن (قال يعنى هيذاكروا بجد هههههههههههه)
وكانوا مفكرين ان بكده هيقدروا يرجعوا ودماغهم رايقه للامتحان
وهناك بقه المناظر الجميله اغرتهم وخلتهم ميعرفوش يرجعوا على الامتحان
ففكروا يعملوا اييييييييه
فكروا ازاى يقولوا للدكتور انهم مش هينفع يجوا ويعيد ليهم الامتحان
فواحد جاتلوا فكره انو يتصل بالدكتور وجاب نمرتوا واتصل

تررررررن ترررررررررن ترررررررن

احد الطلاب : السلام عليكم ورحمه الله وبركاته دكتور .......
الدكتور : وعليكم السلام ورحمه الله وبركاته ايوه مين معايا
الطالب : ايوه يا دكتور انا ......
الدكتور : ايوه ياحبيبى فى حاجه
الطالب : ايوه يا دكتور احنا كنا مسافرين نذاكر فى مكان هادى وبعيد عن الدوشه علشان الامتحانات واحنا راجعين فرده كاوتش فرقعت والمكان كان فاضى ومفيش حد يساعدنا فقولنا نتصل بحضرتك علشان لو ممكن تاجلنا الامتحان عقبال منرجع
( عايزين يسبكوا الخطه هههههههه )
الدكتور : رغم انوا صعب يا ولادى بس خلاص ان شاء الله لما ترجعوا هاعملكم الامتحان تانى
الطالب : الف شكر يا دكتور والله مش عارفين نقول لحضرتك ايه طول عمرنا عارفين انك ..... و ...... الخ بقه
( بيصيعوا على الدكتور )
الدكتور : ترجعوا بالسلامه يا ولادى
الطالب : ربنا يخليك يا دكتور
الدكتور : ده واجبنا يابنى سلام يا حبيبى
( يا عينى على قلب الام هههههههه)
الطالب : وعليكم السلام ومتشكرين مره تانيه يا دكتور

الاربع طلبه طاروا من الفرح ورجعوا بقه وراحوا للدكتور فى الميعاد اللى حددوا ليهم

وطلب منهم ان كل واحد يقعد فى ركن من لجنه الامتحان بشرط ان مفيش حد
يقدر يشوف اصاحبوا واجاباتهم


وفوجئ الطلاب بورقه الامتحان دى



أي إطارات السيارة الأربعة أنفجر ؟



كم كانت الساعة وقت حدوث الحادث ؟



من منكم كان يقود السيارة في ذلك الوقت ?


علشان تبقوا تصيعوا